Britt Vikane - Gol AP sin 23.kandidat!

Britt Vikane - Gol AP sin 23.kandidat!

Gol Arbeiderparti sin 23.kandidat er Britt Vikane!

Britt er 54 år og bur på Robru.

Britt er rektor på Læringssenteret i Gol og har tidlegare vore rektor for ungdomsskulen. 

Ho har politisk erfaring både som medlem og representant for Gol Arbeiderparti og har dei siste fire åra sitti som fast medlem i Utval for natur og næring og i kommunestyret. 

Britt sine hjartesakar er mange. Ho meinar det er viktig at Gol er ein god plass å bu og ein plass med likebehandling og gode tenester til alle. Ho ynskjer at Gol skal væra ein plass der barn og ungdom får ein trygg og god oppvekst og der dei eldre skal få god omsorg. I tillegg meinar Britt at me må ha fokus på vårt energiforbruk og klima. Ho er også opptatt av å styrke det lokale næringslivet ved å leggje til rette for meir verdiskaping og nye arbeidsplassar. Ho meinar at me må arbeide for ein inkluderande integreringspolitikk der det er viktig å ha ein god dialog om ytringsfridom og likestilling, samt at me må arbeide for å få til ei god språkutvikling. Slik sikrar me at alle kan delta i arbeidslivet og samfunnet elles. 

For Britt er retten og moglegheiten til å leva eit godt liv i små og store fellesskap eit viktig grunnsyn. I tillegg set ho grunnverdiane som fridom, likskap og solidaritet høgt.

 Me i Gol Arbeiderparti er stolte over å presentere vår 23.kandidat til haustens kommuneval!